Independent Media Centre Ireland     http://www.indymedia.ie
Dublin - Event Notice
Thursday January 01 1970

Seoladh leabhair: 'Mícheál Ó Mealláin'

category dublin | history and heritage | event notice author Tuesday November 13, 2012 13:10author by Coiscéim

Seolfar
MÍCHEÁL Ó MEALLÁIN
le Séamus Ó Mealláin
i gClub Chonradh na Gaeilge, 6 Sráid Fhearchair, Baile Átha Cliath
Déardaoin 22 Samhain ag 8 pm

Ba é Mícheál Ó Mealláin ceann foirne Arm Cathartha na hÉireann, agus bhí sé i gceannas ar a gcuid fórsaí i gceantar Fhaiche Stiabhna in éirí amach na Cásca. Cuireadh chun báis dá bharr é 8 Bealtaine 1916. Ainneoin an seasamh tábhachtach sin a bheith aige san éirí amach agus san obair a thug i gcrích é, is beag a bhí ar eolas coiteann faoi go dtí le deireanas.

Scríobh a mhac Séamus sraith altanna faoi shaol a athar i 1966. Caitheann na haltanna seo solas ar an iliomad gnéithe de Mhícheál Ó Mealláin, ina measc buneolas ar shonraí a bheatha. Is foinse riachtanach i gcónaí iad le eolas a chur ar an Meallánach ildánach agus na himeachtaí éagsúla a raibh sé bainteach leo. Tabharfaidh athfhoilsiú na n-altanna seo léargas úr ar Mhícheál Ó Mealláin féin, ar ghluaiseachtaí an lucht oibre is an neamhspleáchais, agus ar shaol corrach a linne.

Bhí Séamus Ó Mealláin dhá bhliain déag d’aois nuair a cuireadh a athair chun báis. Throid sé féin ar an taobh poblachtach sa chogadh cathartha, agus chaith sé dhá bhliain i bpríosún dá bharr. Cháiligh sé mar innealtóir ansin, ag obair i Veiniséala agus i mBaile Átha Cliath. Chuaigh sé sa státseirbhís, agus ba é cathaoirleach Bhord Iascaigh Mhara ar feadh i bhfad. Fuair sé bás i 1982.

Seo an t-ochtú haiste sa tsraith Macallaí na Cásca, a dhéanann comóradh ar éirí amach na Cásca trí léargais don lá inniu agus feasta a bhaint as.

Comments (1 of 1)

Jump To Comment: 1
author by Coiscéimpublication date Wed Nov 14, 2012 11:54author address author phone

'Mícheál Ó Mealláin' - a book about 1916 Citizen Army leader Michael Mallin, written by his son Séamus - will be launched in Club Chonradh na Gaeilge, 6 Harcourt Street, Dublin on Thursday 22 November at 8 pm.


http://www.indymedia.ie/article/102713

Indymedia Ireland is a media collective. We are independent volunteer citizen journalists producing and distributing the authentic voices of the people. Indymedia Ireland is an open news project where anyone can post their own news, comment, videos or photos about Ireland or related matters.